Covid-19
City Express

गुल्मी जिल्लामा कार्यरत स्वास्थ्यकर्मीलाई पिपिई प्रदान

नेपाली काङ्ग्रेसको भातृ संगठन नेपाल तरुण र नेपाल विद्यार्थी संंघ (नेविसंघ) गुल्मीको पहलमा जिल्लामा कार्यरत स्वास्थ्यकर्मीलाई पिपिई प्रदान गरिएको छ।

नेपाली काङ्ग्रेस गुल्मी काठमाडौँ सम्पर्क समिति अन्तर्गत विपद् व्यवस्थापन समितिले १० सेट पिपिई उपलब्ध गराएको नेपाल तरुण दल गुल्मीका अध्यक्ष भरत भलामीले जानकारी दिए।

कोरोनाको महामारी नियन्त्रणको लागि अग्र भागमा रहेर काम गर्ने स्वास्थ्यकर्मीको सुरक्षालाई मध्य नजर गर्दै पिपिई हस्तान्तरण गरिएको बताइएको छ।

आइतबार एक कार्यक्रमकाबीच नेपाल तरुण दल गुल्मीका अध्यक्ष भरत भलामी, नेविसंघ निवर्तमान केन्द्रिय सदस्य सुदर्शन खनाल, CDEN सदस्य सन्तोष कुवंर, तरुण दल नगर सभापति कृष्ण पाण्डे, तरुण दल क्षेत्रीय अध्यक्ष सन्तोष थापा लगायतका जिल्लास्थित नेताहरु र नेपाली काँग्रेस गुल्मी–काठमाडौं सम्पर्क समिति अन्तर्गत गठित विपद् व्यवस्थापन समितिका सदस्य सन्तोष पाण्डेको उपस्थितिमा जिल्ला अस्पताल गुल्मीका प्रमुख डाक्टर उत्तम पच्यालाई १० सेट
पीपीई हस्तान्तरण गरिएको थियो।

पिपिई ग्रहण गर्दै डाक्टर पच्याले नेपाल तरुण दल र नेविसंघ गुल्मीलाई धन्यवाद दिएका छन्। साथै,विपद्को समयमा स्वास्थ्यकर्मीलाई पिपिई उपलब्ध गराउने नेपाली काङ्ग्रेस गुल्मी काठमाडौँ सम्पर्क समिति प्रति पनि उनले आभार व्यक्त गरे।

यता तरुण दल गुल्मीका अध्यक्ष भलामीले पनि नेपाली कांग्रेस गुल्मी-काठमाडौँ सम्पर्क समितीको विपद ब्यबस्थापन समितीलाई धन्यवाद दिएका छन्। आफूहरूले पहल मात्र गरेको र सबै कार्य उक्त समितिले गरेको उल्लेख गरे।

नेपाली काङ्ग्रेस गुल्मी काठमाडौँ सम्पर्क समिति अन्तर्गत विपद् व्यवस्थापन समितिका संयाेजक योगराज कँडेलको सक्रियतामा यस भन्दा अघि पनि स्वास्थ्य सामाग्री गुल्मीमा हस्तान्तरण गरिएको थियो।

जिल्लामा कार्यरत पत्रकारलाई ३५ सेट पिपिई, सुरक्षा कर्मीलाई ३९ सेट पिपिई उपलब्ध गराइएको नेपाली काङ्ग्रेस गुल्मीले जानकारी दिएको छ। त्यस्तै,जिल्लाका केही स्थानीय तहका स्वास्थ्यकर्मीहरूलाई पिपिईसहित स्वास्थ्य सामाग्री समेत प्रदान गरिएको छ।

जसमध्ये रुरु गाउँपालिकाका स्वास्थ्यकर्मीलाई तिन सेट पिपिई तथा छत्रकोट कालीगण्डकी र सत्यवती गाउँपालिका स्वास्थ्यकर्मीलाई चार/चार सेट पिपिई र
गुल्मी दरबारमा १०० पिस VTM ,१३०० पिस सरजिक्ल माक्स ,१३ लिटर सेनिटाइजर प्रदान गरिएको जानकारी योगराज कंडेल दिनुभयो।

कोरोना संक्रमणलाई थप फैलिन नदिन विभिन्न ठाउँबाट संघ-सस्थाहरुले सहयोग पुर्याउदै आएका छन्। यसै क्रममा केही दिन अघि गुल्मीको मुसिकोट नगरपालिकाका लागि नेपाली काङ्ग्रेस गुल्मी काठमाडौं सम्पर्क समितिका उपाध्यक्ष कृष्ण खरेलको पहलमा १००० थान माक्स पठाइएको थियो।

उक्त माक्स पनि त्यहाँका स्थानीय बासिन्दाहरुलाई बितरण गरिएको जनाइएको छ।

प्रतिक्रिया दिनुहोस्

सम्बन्धित शीर्षकहरु