Covid-19
City Express

नेपाल उत्पीडित जातिय समाज युरोपको तेश्रो महाधिवेशन लिस्बनमा सम्पन्न, युकेका अर्जुन सुनार अध्यक्ष चयन

लिस्बन । नेपाल उत्पीडित जातिय समाज (नोप्स) युरोपको तेश्रो महाधिवेशनमा वक्ताहरुले उत्पीडितहरुलाई राज्यको मूल प्रवाहमा ल्याउन शासकहरुले नचाहेको दुखेसो पोखेका छन् । आइतबार पोर्तुगलको लिस्बनमा सम्पन्न महाधिवेशनका सहभागीहरुले दलित, गरिब र बोक्साबोक्सीको नाममा गरिने कुसंस्कारको अन्त्य गर्न युरोपबाट पनि सक्दो सहयोग गर्नुपर्ने आवश्यकता औल्याए । उद्घाटन सत्रमा लिस्बनका लागि अवैतनिक वाणिज्यदूत मकरबहादुर हमाल, गैरआवासीय नेपाली संघ, राष्ट्रिय समन्वय परिषद पोर्तुगलका अध्यक्ष तिलक गैरे, नोप्सका अर्जुन सुनार, रामबहादुर बिक, योगेन्द्र बिक, दिल नेपाली, जनसम्पर्क समितिका अध्यक्ष बिनोद घिमिरे, प्रवासी नेपाली एकता मञ्चका राजकुमार थापा, नेपाल आदिवासी जनजाति महासंघ पोर्तुगल अध्यक्ष हेम गुरुङ, नेपाली समाजका अध्यक्ष सोम शेर्पा, जनप्रगतिशील मोर्चाका अध्यक्ष पूर्ण बिक, पत्रकार महासंघ युरोप शाखाका महासचिव योगेन्द्रमिलन छन्त्याल, परियार महिला समाजकी अध्यक्ष लक्ष्मी परियारलगायतले शुभकामना मन्तव्य राखेका थिए ।

महाअधिवेशनको बन्द सत्रले अर्जुन सुनारको अध्यक्षतामा २९ सदस्स्यीय कार्यसमितिको निर्विरोध चयन गरेको छ । समितिको उपाध्यक्षद्वयमा युकेका धनबहादुर सार्की र नेदरल्यान्डसका उदय नेपाली, महासचिवमा बेल्जियमका तेजबहादुर नेपाली, सचिवद्वयमा बेलायतका ललित परियार र पोर्तुगलका दुर्गालाल विक, कोषाध्यक्षमा बेल्जियमका निर्मला परियार र सह कोषाध्यक्षमा पोर्तुगलका श्याम परियार रहेका छन् । समितिका सदस्यहरुमा पोर्तुगलका मनिराम नेपाली, स्पेनका गमबहादुर विक, ग्रीसका टीकाराम विक, बेल्जियमका कृष्ण सुनार, पोल्यान्डका भीम परियार, अष्ट्रियाका प्रेम विश्वकर्मा, नेदरल्यान्डसका कमल रसाइली र बेलायतका दलबहादुर नेपाली रहेका छन् । त्यसैगरी पोल्यान्डका सुसान परियार, बेल्जियमका चित्रबहादुर विक, पोर्तुगलका स्नेहा परियार र लक्ष्मी परियार, फाईनलयान्डका पशुपती नेपाली, डेनमार्कका भरत नेपाली, नर्वेका प्रेमलाल परियार र पोर्तुगलका प्रकाश गजमेर पनि सदस्यमा चयन भएका छन् ।

अधिवेशनले दुई वरिष्ठ सल्लाहकार र चारजना सल्लाहकारको पनि टुङ्गो लगाएको छ । वरिष्ठ सल्लाहकारमा बेल्जियमका योगेन्द्र विक र पोर्तुगलका पूर्ण विक चयन भएका छन् भने सल्लाहकारहरुमा जर्मनीका रनबहादुर विक, नर्वेका मिन परियार र प्रेम परियार र अष्ट्रियाका रामबहादुर विक चयन भएका छन् । कार्यक्रममा तेक्वान्दोका प्रशिक्षक स्नेहा परियार र ज्येष्ठ नागरिकहरुलाई सम्मान गरिएको थियो । नोप्स युरोप अध्यक्ष हरिश्चन्द्र नेपालीको अध्यक्षतामा सचिव ललित परियारले सञ्चालन गरेको कार्यक्रममा धनबहादुर सार्कीले स्वागत मन्तव्य राखेका थिए ।

हाम्रो फेसबुक पेज

प्रतिक्रिया दिनुहोस्

सम्बन्धित शीर्षकहरु