Covid-19
City Express

उत्पीडित समुदायको एउटा थरलाई अपमानजन रूपमा लेख्ने पोर्तुगलका निरज खरेलले माफी मागे तर अझै भन्दैछन् मेरा शब्द ठिक छन् (भिडियो सहित)

लिस्बन, २० मे । पोर्तुगलको कोरोना जनचेतना तथा राहत समिति नामक एउटा बृहत फेसबुक ग्रुपमा मे १८ तारिख सोमबार राति उत्पीडित समुदायको परियार थर माथि अपमानजनक रूपमा लेख्ने आफुलाइ स्वघोषित समाजसेवी दावी गर्ने निरज खरेल भन्ने व्यक्तिले आफ्नो लेखाइप्रति ठुलो गल्ती भएको भन्दै सार्वजनिक लाइभ कुराकानीमा पटक पटक माफी मागेका छन् । उनको अपमानजनक गालीको विरुद्ध उक्त समुहमा आवद्ध अधिकांसले उनको आलोचना गर्दै माफी माग्न भनेका थिए । सोही ग्रुपमा आवद्ध प्रकाश गजमेरले खरेलको लेखाइ र प्रवृत्तिको ससक्त प्रतिवाद गरेका थिए ।

हेर्नूहोस सो दिन उनले लेखेको कुरा:

हिजो मे १९ तारिख सामाजिक अभियान्ता सारु सुनारसंगको आधा घण्टा लामो फेसबुक लाइभ कुराकानीमा आफुले त्यस्तो लेखेर ठुलो गल्ती गरेको भन्दै समुदायसंग ग्लानीपूर्ण अनुहार लगाउदै माफी मागेका हुन् । उनले सोही कोरोना ग्रुपमा पनि लिखित रूपमा हिजो बिहान माफी मागेका छन् ।

हेर्नूहोस् माफी मागेको भिडियो लिन्क

https://m.facebook.com/story.php?story_fbid=1411496639041221&id=100005426952131

गल्ती भएर माफी मागे पछि आज उनले फेरि एक दम्भपूर्ण स्टाटस लेख्दै आफुले लेखेको अपमानपूर्ण हुने गालीका शब्द सही रहेको ढिपी छाडेका छैनन् । उनको गलत लेखाइ समाचार मार्फत सार्वजनिक गर्ने नमूना नेपाल अनलाइन लाई नेपाली शब्द कोष पढ्न सुझाव दिदै आफ्नो गाली ठिक रहेको र समाचारले गर्दा माफी माग्नु परेको भन्दै समुदायलाई लेखेको अपमानजनक गाली ठिक रहेको आज फेरि जिकिर गरेका छन् ।

आफुले के लेखे, के बोले, के अर्थ हुन्छ भन्ने हेक्का समेत नराख्ने समाजसेवाको ढोङ्ग गर्ने खरेल महोदयले पत्रकार र पत्रीकालाई उपदेश दिनु पहिले गलत कुराले गर्दा ग्लानी र पश्चतापले भरिएको आफ्नै लाइभ कुराकानी दोहोर्‍याएर हेर्दा राम्रो होला । नेपाली शब्द कोशको ज्ञाता भएको भन्दै अर्को आडम्बर प्रदर्शन गर्ने खरेललाई नेपालीमा कति नम्बर ल्याएर विज्ञाता हासिल गरेको हुन् आफ्नै सर्टिफिकेट पल्टाएर हेर्नू मनासिब देखिन्छ ।

हेर्नूहोस उनले आज लेखेको स्टाटस:

हाम्रो फेसबुक पेज

प्रतिक्रिया दिनुहोस्

सम्बन्धित शीर्षकहरु