पछिल्लो तथ्यांकअनुसार नेपालमा कोरोना संक्रमणबाट एकैदिनमा ज्यान जानेको संख्या हालसम्मकै सर्बाधिक रहेको छ।

पछिल्लो २४ घण्टामा २ सय २५ जनाले ज्यान गुमाएका छन् भने देशभर थप ९ हजार ४ सय ८३ जनामा कोरोनाभाइरस संक्रमण पुष्टि भएको छ।

स्वास्थ्य तथा जनसंख्या मन्त्रालयले मंगलबार सार्वजनिक गरेको तथ्यांकमा २ सय २५ जनाको मृत्यु भएको उल्लेख गरिएको हो। यससँगै देशभर कोरोनाबाट ज्यान गुमाउनेको कुल संख्या ४ हजार ८४ पुगेको छ।