२०८० असोज १० गत बुधवार | September 27, 2023

गृहपृष्ठ एसिया कप फाइनल :श्रीलंकाको लज्जास्पद हार

एसिया कप फाइनल :श्रीलंकाको लज्जास्पद हार

India team players celebrate the wicket of Matheesha Pathirana of Sri Lanka during the Final of the Asia Cup 2023 match between India and Sri Lanka held at the R. Premadasa International Cricket Stadium (RPS), Colombo, Sri Lanka on the 17th September, 2023.??Photo by: Deepak Malik / CREIMAS / Asian Cricket Council??RESTRICTED TO EDITORIAL USE

एसिया कप २०२३ को फाइनलमा घरेलु टोली श्रीलंकाले लज्जास्पद हार बेहोरेको छ। भारतले १० विकेटले हराउँदै उपाधि जितेको छ। योसँगै भारतले एसिया कप आठौं पटक जितेको हो।

टस जितेर पहिले ब्याटिङमा उत्रिएको श्रीलंका १६ ओभरमै अलआउट हुँदै ५० रनमा समेटिएको थियो। जसलाई भारतले ६.१ ओभर खेल्दै भेट्टाएको हो।

भारतका शुभमन गिल १९ बलमा ६ चौकासहित २७ रनमा नटआउट रहे। ईशान किशन १८ बलमा ३ चौकासहित २२ रनमा नटआउट रहे।

कोलम्बोस्थित प्रेमादसा रंगशालामा जारी खेलको टस जितेर ब्याटिङमा आएको घरेलु टिम १५.२ ओभरमा ५० रनमै समेटिएको थियाे ।

घरेलु टिमलाई सस्तैमा समेट्न भारतका सिराजले ६ विकेट लिए। सात ओभर बलिङ गरेका सिराजले एक मेडन राख्दै २१ रन खर्चिए। एकदिवसीय अन्तर्राष्ट्रिय क्रिकेटमा सिराजको यो अहिलेसम्मकै उत्कृष्ट स्पेल हो। यसअघि उनले ३२ रन खर्चेर चार विकेट लिएका थिए।

श्रीलंकाविरुद्ध सिराजले चौथो ओभरमा चार, छैटौँ ओभर र १२औँ ओभरमा समान एक विकेट लिएका थिए। यसबाहेक, हार्दिक पन्ड्याले तीन विकेट लिँदा जसप्रित बुमराह एक विकेट लिए।

भारतीय बलरसामु निरीह देखिएका श्रीलंकाका कुनै पनि ब्याटर खुलेर खेल्न सकेनन्। कुशल मेन्डिसले १७ रन र दुसन हेमान्थाले १३ रन जोड्नु नै श्रीलंकन ब्याटरबाट बनेको दोहोरो अंकको रन बन्यो। श्रीलंकाका चार ब्याटर शून्यमा आउट भएका थिए।

प्रतिक्रिया दिनुहोस्

सम्बन्धित शीर्षकहरु