गुल्मीमा चर्चाको केन्द्रमा रहेको कोटोश्वर धार्मिक स्थललाई समेटेर विशेष भजन गीति सङ्ग्रह बजारमा आउने भएको छ।

विभिन्न पर्वमा मेला लाग्ने र पुजा, आरधना गरिने कोटेश्वर धार्मिक स्थल धेरै बर्षदेखिनै चर्चाको केन्द्रमा रहँदै आएको छ।

गुल्मीका युवाहरु हाल जापानमा कार्यरत तुलाराम तिवारी ,किरण खरेल ,बिष्णु अर्यालको निर्माण र अस्ट्रेलियामा कार्यरत सुरेश अर्यालको विशेष सहयोगमा एल्बम बजारमा आउन लागेको बताइएको छ।

गीतमा स्वर ,शब्द चर्चित युवा गायक ओम सेन्चुरीको रहेको छ भने महिलातर्फ लक्ष्मी खड्काको समधुर आवाज रहेको छ।गीतको लय निर्माण सर्जक महेन्द्र भण्डारीले गरेका छन् भने निर्देशन तथा दृश्य निर्माण महेन्द्र कौशलको रहेको छ।

गीतमा धार्मिक स्थलको ईतिहास,महत्व,सस्कृती र परम्पराका बिषयमा महत्वकासाथ प्रस्तुत गरिएको निर्माणकर्ता किरण खरेलले जानकारी दिए।

भजनमा निकै रोचक र मन्त्रमुग्धपार्ने शब्द र टुक्का रहेको जनाइएको छ।गुल्मीको मुसिकोट नगरपालिका आँपचौरमा रहेको यस धार्मिक स्थललाई थप चिनाउन र विकासमा टेवा पुर्याउन यस किसिमका भजनले महत्वपूर्ण भूमिका निर्वाह गर्ने अपेक्षा गरिएको छ।

निकट भबिस्यमा बजारमा आउन लागेको यस गीति सङ्ग्रहले सम्पूर्ण दर्शक र श्रोताको मन जीत्न सफल होस्।नमूना नेपाल अनलाइन खबरको तर्फबाट हार्दिक शुभकामना ……