गुल्मी आँपचौरका भलिबल खेलाडी बिनोद बि.कलाई क्यान्सर पुष्टी भएपछि उपचारमा सहयोगका लागि अपिल गरिएको छ।

मुसिकोट नगरपालिका वडा नं ५ स्थायी घर भई जिल्ला तथा प्रदेश स्तरमा भलिबल खेल खेल्दै आईरहेका बि.कलाई क्यान्सर रोग पुष्टी भई हाल भरतपुर स्थित बि.पि कोईराला मेमोरीयल क्यान्सर अस्पतालमा उपचार गरिरहेका छन् ।

घरको आर्थिक अवस्था निकै कमजोर रहेको र उपचारमा ठुलो खर्च लाग्ने भएपछि अहिले विभिन्न व्यक्तिहरुले उनको सहयोगार्थ सहयोग सकंलन अभियान सञ्चालन गरिरहेका छन्।

देश-विदेशबाट राम्रै सहयोग रकम उठिरहेको अभियानमा संलग्न सुरज तिवारी र सन्दीप जीसीले जानकारी दिए।उम्दा भलिबल खेलाडी बि.कको जीवन रक्षा गर्न सके खेल क्षेत्रले आगामी दिनमा उनीबाट महत्त्वपूर्ण योगदान पाउनेमा दुई मत छैन।