२०७८ वैशाख १ गते बुधवार | April 14, 2021

Bharat Poudel

गृहपृष्ठ ग्याल्बो ल्होछारको अवसरमा मार्च १५ मा बृहत साँस्कृतिक कार्यक्रम आयोजना गरिने, ल्हप्सो पूजा सम्पन्न

ग्याल्बो ल्होछारको अवसरमा मार्च १५ मा बृहत साँस्कृतिक कार्यक्रम आयोजना गरिने, ल्हप्सो पूजा सम्पन्न

लिस्बन । बौद्धमार्गी शेर्पाहरुको महान पर्व ग्याल्बो ल्होछारको अवसरमा शेर्पा किदुक पोर्तुगलले साँस्कृतिक कार्यक्रमको आयोजना गर्ने भएको छ । ग्याल्बो ल्होछार च्याग फो, चि-ल्हो २१४७ को अवसरमा किदुगले कार्यक्रम आयोजना गर्ने भएको हो ।

चर्चित कलाकारहरुको प्रस्तुतिसहित भरपुर डिजे सेसन हुने किदुगले जानकारी दिएको छ । मार्च १५ तारिख आइतबारका दिन दिउसो ४:०० बजेदेखि कार्यक्रम शुरु हुनेछ । कार्यक्रम प्रासा दि इस्पानिआमा रहेको वोक मुन्डो रेष्टुरेन्टको हलमा हुनेछ ।

सहभागी हुन चाहनेले किदुककी अध्यक्ष निमल्हमु शेर्पा ९२००२३२६८, फुर्वाफुटी शेर्पा ९२०३२६७५१ र लाक्पाछोटी शेर्पा ९२०५४५२६१ सँग सम्पर्क राख्न किदुकले अनुरोध गरेको छ ।

ल्हप्सो पूजा सम्प्पन्न !

बौद्धमार्गी शेर्पाहरुको महान पर्व २१४७ औं ग्याल्बो ल्होछार च्याग फो, चि-ल्हो २१४७ को अवसरमा वुधबार पोर्तुगलमा ल्हप्सो पूजाको कार्यक्रम सम्पन्न भएको छ । शेर्पा किदुक पोर्तुगलले दु सालमास्थित टाशी गोमाङ्ग स्तुपामा कार्यक्रम सम्पन्न गरेको हो ।

पूजामा सम्मिलित करिब डेढ सय सहभागी शेर्पाहरुले अगाढ श्रद्धा र विश्वासकासाथ थुब्तेन पुन्तसोक गेफेल लिङ गोन्पोको बुद्ध मूर्तिलाई ढोग गरे, धूप चढाए, खादा चढाए, सायद मनमनै आ आफ्नै किसिमका वरदान मागे । लामा फुरी, पोर्तुगीस लामा मिगेल र लामा आङ छिरिङ शेर्पाले बुद्धिष्ट विधि अनुसार छोर्तेन (गोन्पो) मा पूजा सम्पन्न गरे ।सहभागीहरु हँसिला अनुहारकासाथ एकआपसमा शुभकामना आदानप्रदान गरे । पारिवारिक वातावरणमा खानपीन गरे । अतिथि, लामात्रय र सहयोगीहरुलाई खादा लगाएर सम्मान गरे ।

सहभागीहरुले स्तुफा क्षेत्रको निर्माण बिस्तारलाई सहयोग पुगोस् भनेर स्वेच्छिक ७५० युरो सहयोग गरे ।कार्यक्रममा लामा सार्की, स्तुपाका पोर्तुगीस लामा मिगेल, नेपाल पत्रकार महासंघ युरोप शाखाका महासचिव योगेन्द्रमिलन छन्त्याल र किदुगका संरक्षक पेम्बा शेर्पाले शुभकामना मन्तव्य राखेका थिए । निवर्तमान अध्यक्ष ओङ्गेल लामाले सञ्चालन गरेको कार्यक्रमको अध्यक्षता अध्यक्ष निमल्हमु शेर्पाले गरेकी थिइन् ।

किदुककी अध्यक्ष निमल्हमुले आगामी मार्च १५ तारिखका दिन हुने ग्याल्बो ल्होछार साँस्कृतिक कार्यक्रममा उपस्थितिको लागि अनुरोध गरे । पूजा स्थलसम्म जान आउन आयोजक किदुकले बसको व्यवस्था गरेको थियो । श्रोत: नमस्ते नेपाली ।

प्रतिक्रिया दिनुहोस्

सम्बन्धित शीर्षकहरु