नेपाली चमार जातिहहरुको साझा संगठन चमार कल्याण समाज नेपालको धनुषा जिल्लामा रहेका चमार जातिहरुको भेलाले दलित , एवमं चमार जातिहरुका लागि महत्वपुर्ण योगदान गर्नुभएका प्रगास महरा चमार लाई जिल्ला अध्यक्षमा सर्ब सम्मत रुपले चयन गरेको छ । समाजको केन्द्रिय समितिको संगठन सुदृढिकरण , संगठन निर्माण अभियान अन्तरगत समाजको मधेश प्रदेश कमिटिको आयोजनामा नेपालको मधेश प्रदेशमा चमार जातिहरुको जनसंख्या ९ प्रतिसत रहेपनि राज्यको पहुच भन्दा टाढा रहेको र अब आफनो जातिहरुको राज्यमा प्रतिनिधित्व , जातिय ईतिहास , अधिकार, समन्वय आदीका लागि सारा चमार जातिहरु एउटै छाता मुनि आउनुपर्ने सहभागिहरुले जोड दिएका थिए ।

देशमा सबैभन्दा ठुलो जातिय संगठन चमार कल्याण समाज नेपाल रहेकोले यस संगठनमा आउनका लागि सबै चमार जातिका अगुवाहरुलाई सहभागिहरुले आग्रह समेत गरेका थिए । प्रदेश अध्यक्ष सुरेन्द्र रविदास चमारको अध्यक्षता तथा चमार जातिहरुका अगुवा सोभित महराको प्रमुख अतिथ्यतामा भएको भेलाले समाजको जिल्ला उपाध्यक्षमा रासलाल महरा र शिला महरा , महासचिवमा प्रमेश्वर महरा , सहमहासचिव धर्मेन्द्र कुमा महरा , सचिव विजय कुमार महरा र सदस्यहरुमा सुनिता महरा , निरो देवि महरा , अर्जुन महरा , विन्दे चमार , प्रदिप चमार , विनोद चमार , सोनावती चमार , रमाशंकर महरा , राजकिसोर महरा सिमादेबी राम , संजय रविदास , दुलारी राम , गगीया देबी चमार लगाएत २५ सदस्यीय र्निविरोध हुनुभएको छ ।

चमार जातिहरुका बरिष्ठ युवा अगुवा प्रकास महराको संचालनमा भएको कार्यक्रममा समाजका केन्द्रिय बरिष्ठ सल्लाहकार सेवल राम चमार , केन्द्रिय उपाध्यक्ष ओमप्रकास राम , केन्द्रिय सदस्य संगिता कुमार राम , चमार जातिहरुलाई एकताको सुत्राधार राजदेव मोची चमार , समाजका संथापक सुरेन्द्र कुमार महरा , एवमं जिल्लाका बरिष्ठ चमार अगुवा रामेश्वर राम चमार , चमार जातिका नेता रामो महरा , नेपालका मानवअधिकारकर्मी विनोद महरा , प्रधानाध्यापक एवमं बुद्धजिवी मदन कुमार महरा , चमार कल्याण समाज साउदी अरेवियाका संयोजक सुरेन्द्र चमार तथा निवर्तमान महासचिव जगजिवन राम चमार लगाएतले भेलालाई सम्बोधन गरेका थिए ।

उहाहरुले नेपालमा चमार जातिहरुको अधिकारको लडाई चमार कल्याण समाज नेपालले लडिरहेकोले सारा चमार जातिहरुका संगठनहरु यही छाता मुनिमा आउनुको विकल्प नरेको दोर्याएका थिए ।