हालसम्मको तथ्यांक विश्लेषण गर्दा पोर्चुगलमा तत्कालै कोरोना प्रभाव नियन्त्रणमा आउने भरपर्दो संकेत देखिएको छैन।

पछिल्लो अपडेटअनुसार २ सय ६६ नयाँ कोरोना संक्रमित थपिएका छन् भने थप ४ जनाको ज्यान गएको छ।

संक्रमित थपिएसँगै कुल संख्या ४१ हजार ९ सय १२ पुगेको छ भने अहिलेसम्म कोरोनाका कारण १ हजार ५ सय ६८ जनाले ज्यान गुमाइसकेका छन्।

स्वास्थ्य महानिर्देशनालयका अनुसार उपचारपछि २७ हजार २ सय ५ जना निको भएर घर फर्किएका छन् भने उनिहरुको पुनः परिक्षण गर्दा पनि स्वास्थ्य अवस्था सामान्यनै देखिएको निर्देशनालयले जनाएको छ।