प्रवासी नेपाली एकता मंच पोर्चुगलका नेता राजकुमार थापाले परराष्ट्र मन्त्री प्रदीप ज्ञवालीसंग आज परराष्ट्र मन्त्रालयमा विशेष भेटघाट गरेका छन्।

नेपाल प्रेस संगठन पोर्चुगलका संयोजक र प्रवासी नेपाली एकता मंच पोर्चुगलका सचिवालय सदस्य समेत रहेका थापाले भेटका अवसरमा पोर्चुगलको नेपाली समुदायका चासो, सरोकार र समस्याका बारेमा कुराहरू राखेका थिए।

सो अवसरमा मन्त्री ज्ञवालीले आफुले पोर्चुगलको नेपाली समुदायको चाहाना र अपेक्षालाई बुझेको र सो सम्बन्धमा मन्त्रालयले निकट भविष्यमानै नेपाल सरकारको तर्फबाट विशेष व्यबस्था गर्न लागेको बताएका थिए।

मन्त्री ज्ञवालीले भेटघाटको अवसरमा नेपालका नेकपा भित्रको विवाद र विभाजनमा प्रवासमा रहेको नेकपा समर्थक र शुभचिन्तकहरुले विभाजित भइ हाल्न आवश्यक नभएको बताएका थिए।

प्रवासी नेपाली एकता मंचका नेता थापाले आज प्रधानमन्त्रीका विदेश मामिला सल्लाहकार राजन भट्टराईसँग पनि महत्वपूर्ण भेटघाट गरेको जानकारी दिएका छन्।