व्यवसायिक रेडियोहरूको छाता संगठन ब्रोडकास्टिङ एसोसिएसन अफ नेपाल (बान)का अध्यक्ष चन्द्र न्यौपानेको निधन भएको छ।

कोरोना भाइरस संक्रमणका कारण गम्भीर अवस्थामा विराटनगरमा उपचार गराइरहेका उनको शुक्रबार बिहान निधन भएको हो।

४७ वर्षीय न्यौपाने एक दशकदेखि सप्तकोशी एफएमका स्टेशन म्यानेजरको रुपमा पनि कार्यरत थिए।

उपचारको क्रममा स्थिति गम्भीर भएपछि उनलाई भेन्टिलेटरमा राखिएको थियो।