पाल्पामा बस दुर्घटना हुँदा ६ जनाको मृत्यु भएको छ। १७ जना घाइते भएका छन्।

बागलुङको बुर्तिबाङदेखि बुटवलका लागि छुटेको लु १ ज ५९५२ नम्बरको बस आइतरबार साँझ पाल्लाको रिब्दिकोट गाउँपालिका वडा नम्बर २ लघुवामा दुर्घटना भएको जिल्ला प्रहरी कार्यालय पाल्पाका सूचना अधिकारी वीरेन्द्र थापाले जानकारी दिए।

बस सडकदेखि ३०० मिटर तल खसेको उनको भनाई छ। ६ जनाको घटनास्थलमै मृत्यु भएको र १७ जनालाई उद्धार गरि पाल्पा पठाएको थापाले बताए।

मृत्यु हुनेमा ३ महिला ३ पुरुष रहेका छन्। उनीहरुको सनाखत भने हुन सकेको छैन।

चालकको समेत खुट्टा भाँचिएको डिएपी थापाको भनाई छ। घाइते १७ जनाकै परिचय नखुलेको प्रहरीले जनाएको छ।