युरोपका विभिन्न देशमा कृयाशिल नेपाली पत्रकारहरुको सहभागितामा एक दिवसीय खोज पत्रकारीता तालिम सम्पन्न भएको छ।तालिममा खोज पत्रकारहरूले अपनाउनु पर्ने विधि,तौरतरिका र जोखिमको मुल्यांकन लगायतका बिषयमा सहभागीहरुलाई प्रशिक्षण दिइएको थियो।

उक्त कार्यक्रममा खोज पत्रकारीता केन्द्रकी निवर्तमान अध्यक्ष एवम् सल्लाहकार नम्रता शर्मा र नेपाल पत्रकार महासंघका पुर्व केन्द्रीय अध्यक्ष एवम् खोज पत्रकारीता केन्द्रका सम्पादक शिव गाउँलेले सहभागी पत्रकारहरुलाई प्रशिक्षण दिएका थिए।

तालिम निकै रोचक र उपलब्धि मूलक भएको सहभागीहरुले जनाएका छन् । तालिममा बेल्जियम ,पोर्चुगल,स्पेन,जर्मनी र फ्रान्स सहित १० देशका नेपाली पत्रकारहरुको उल्लेख्य सहभागिता रहेको थियो।कार्यक्रमको आयोजना नेपाल पत्रकार महासंघ पोर्चुगल शाखा र बेल्जियम शाखाले संयुक्त रुपमा गरेका थिए ।