युरोप नेपाली डटकम, लिस्बन, पोर्तुगल । पोर्तुगलको फारो इलाकामा बस्ने एक नेपालीलाई कोरना भाइरसको संक्रमण भएको पुष्टि भएको छ । नेपालको पोखरा घर भएका उक्त व्यक्ति विरामी भइ हस्पिटल पुर्याउदा कोरना भाइरस पोजेटिभ देखिएको हो । उनी इन्डियनद्वारा संचालित कृषि कम्पनीमा काम गर्दै आएको बुझिएको छ ।

उनलाई हस्पिटल लिएर जाने उनका साथी कोरना भएको सुने पछि डरले भागेका थिए । पछि स्थानीय प्रहरीले खोजतलास गरि निजहरु बस्ने घर ठेगाना पत्ता लगाई घरमा बस्ने सम्पुर्णलाई केही समय अघि पक्डिएर हस्पिटल ल्याएको स्थानीय एकजना नेपाली समाजसेवीले नाम उल्लेख नगर्ने सर्तमा बताए ।

यसरी पोर्तुगलमा नेपालीलाई कोरना भाइरस भएको पुष्टि भएसंगै युरोप मै नेपालीलाई कोरना संक्रमणको पहिलो केस बनेको छ ।