राष्ट्रपति विद्यादेवी भण्डारीले संविधानको धारा ७६ को उपधारा ५ बमोजिम नयाँ सरकार गठनको लागि केवल २१ घण्टा समय प्रदान गरेकी छिन्।

प्रधानमन्त्री केपी शर्मा ओलीले उपधारा ४ बमोजिम संसदबाट विश्वासको मत नलिई नयाँ सरकार गठनको मार्ग प्रशस्त गरेपछि राष्ट्रपतिले उपधारा ५ बमोजिम प्रक्रिया अघि बढाउँदै केवल २१ घण्टा समय दिएकी हुन्।

राष्ट्रपति कार्यालयले बिहीबार राति ८ बजे आसपास विज्ञप्ति जारी गर्दै भोलि शुक्रबार जेठ ७ गते साँझ ५ बजेसम्म विश्वासको मत प्राप्त गर्न सक्ने आधार प्रस्तुत गर्न समय दिएको जनाएको छ।