२०७७ माघ ९ गते शुक्रवार | January 22, 2021

Bharat Poudel
Bharat Poudel

गृहपृष्ठ रास्ट्रपतिद्वारा संसद विघटन,बैशाखमा मध्यावधि निर्वाचन घोषणा

रास्ट्रपतिद्वारा संसद विघटन,बैशाखमा मध्यावधि निर्वाचन घोषणा

राष्ट्रपति विद्यादेवी भण्डारीले संसद विघटन गर्दै वैशाख १७ र २७ गते मध्यावधि निर्वाचन घोषणा गरेकी छिन्।

आइतबार बिहान मन्त्रीपरिषद् बैठकद्वारा प्रधानमन्त्री केपी ओलीले संसद विघटनको सिफारिस गरेका थिए। प्रम ओली सिफारिस बोकेर आइतबार बिहानै शीतल निवास पुगेका थिए। मन्त्रीपरिषद्को सिफारिसमा राष्ट्रपति भण्डारीले आइतबार दिउँसो संसद विघटन गरेकी हुन्।

आइतबार दिउँसो राष्ट्रपतिको कार्यालय शीतल निवासले विज्ञप्ति जारी गर्दै संसद विघटन गरेको जनाएको छ।राष्ट्रपति कार्यालयको विज्ञप्तिमा भनिएको छ, ‘संविधानको धारा ७६ को उपधारा (१) र (७) तथा धारा ८५ एवं संसदीय प्रणालीको आधारभूत मर्म एवं मूल्य मान्यता तथा हाम्रो आफ्नै र संसदीय प्रणाली भएका विभिन्न मुलुकहरूको अभ्यास बमोजिम संघीय संसदको वर्तमान प्रतिनिधि सभा विघटन गरी ताजा जनादेशका लागि नेपाली जनता समक्ष जान मिति २०७८ साल वैशाख १७ गते शुक्रबार पहिलो चरणमा र मिति २०७८ साल बैशाख २७ गते सोमबार दोस्रो चरणमा अर्को प्रतिनिधि सभाको निर्वाचन सम्पन्न गर्ने गरी भनिएको छ।

त्यस्तै निर्वाचनको मिति तोक्न नेपाल सरकार, मन्त्रीपरिषद्को बैठकबाट निर्णय भई सोही बमोजिम सम्माननीय प्रधानमन्त्रीबाट सिफारिस भएकोले उक्त सिफारिस बमोजिम संघीय संसदको वर्तमान प्रतिनिधि सभा विघटन गरी मिति २०७८ साल वैशाख १७ गते शुक्रबार पहिलो चरणमा र मिति २०७८ साल वैशाख २७ गते सोमबार दोस्रो चरणमा प्रतिनिधि सभाको निर्वाचन सम्पन्न गर्ने गरी निर्वाचनको मिति तोक्नु भएको छ।’

प्रतिक्रिया दिनुहोस्

सम्बन्धित शीर्षकहरु