२०७७ चैत २५ गते बुधवार | April 07, 2021

Bharat Poudel
Bharat Poudel

गृहपृष्ठ सिन्धुलीमा जीप दुर्घटना:४ जनाको ज्यान गयो,७ घाइते

सिन्धुलीमा जीप दुर्घटना:४ जनाको ज्यान गयो,७ घाइते

सिन्धुलीको कमलामाइ नगरपालिका–७ करङडाँडामा जीप दुर्घटना हुँदा ४ जनाको मृत्यु भएको छ भने ७ जना घाइते भएका छन्।

सिन्धुली सदरमुकाम सिन्धुलीमाडीबाट बाँसकोटतर्फ जाँदै गरेको बा १७ च १११७ नम्बरको जीप दिउँसो पौने ४ बजे सडकबाट करिब ५० मिटर तल खस्दा ४ जनाको घटनास्थलमै मृत्यु भएको जिल्ला प्रहरी कार्यालय सिन्धुलीले जनाएको छ।

मृत्यु हुनेमा कमलामाइ नगरपालिका बाँसकोटका ६०–६५ वर्षका रुद्रबहादुर थापा, १८ वर्षकी रीता इस्माली, १९ वर्षकी दुर्गा श्रेष्ठ र उनका छोरा २ वर्षका मनिष श्रेष्ठको मृत्यु भएको प्रहरीले बताएको छ।

चालक भोजबिक्रम थापासहित सबै घाइतेलाई जिल्ला अस्पताल सिन्धुली ल्याइएको छ। जीप आफैं अनियन्त्रित भएर दुर्घटना भएको प्रहरीको प्रारम्भिक अनुमान छ।

प्रतिक्रिया दिनुहोस्

सम्बन्धित शीर्षकहरु