केही दिन यता पोर्चुगलमा कोरोना संक्रमित संख्या उच्च मात्रामा बढेको सरकारी तथ्यांकले देखाएको छ।

स्वास्थ्य महानिर्देशनालयले दिएको पछिल्लो जानकारी अनुसार आज मात्रै ५ सय ४२ जना कोरोना संक्रमित थपिएका छन् भने थप ८ जनाले ज्यान गुमाएका छन्।

यो सँगै कुल संक्रमित संख्या ४६ हजार २ सय २१ पुगेको छ भने मृत्यु हुनेको संख्या १ हजार ६ सय ५४ पुगेको निर्देशनालयले जनाएको छ।

निर्देशनालयले दिएको रिपोर्ट अनुसार पछिल्लो २४ घण्टामा ३ सय ५ जना वेक्ती कोरोना मुक्त भएर घर फर्किएका छन्।यसरी हालसम्म ३० हजार ६ सय ५५ जना वेक्ती पूर्णरुपमा निको भएर घर फर्किएको निर्देशनालयले उल्लेख गरेको छ।