नेपालका दुई ठुला एयरलाइन्सले अन्तर्राष्ट्रिय हवाई उडान तालिका सार्वजनिक गरेका छन्।विदेशमा अलपत्र नेपालीलाई उद्धार गर्ने नीति अनुरुप नेपाल वायु सेवा निगम(नेपाल एयरलाइन्स ) र हिमालय एयरलाइन्सले उडान तालिका सार्वजनिक गरेका हुन्।

जुलाई ३१ तारिखदेखि हुने चौथो चरणको उद्धार उडानका लागि नेपाली एयरलाइन्सले आगामी अगष्ठ ८ तारिखसम्मको उडान तालिका बनाएका हुन्।

संस्कृति, पर्यटन तथा नागरिक उड्डयन मन्त्रालयले बनाएको उद्धार उडान तालिका अनुसार नेपाल एयरलाइन्सले अगष्ट ८ तारिखसम्म जम्मा १८ उडान गर्नेछ।

युएइको दुबई, कतारको दोहा, साउदी अरेबियाको दमाम र जेदाह, मलेसियाको क्वालालम्पुर र जापानको नारिता चार्टर्ड उडान हुने निगमले जनाएको छ। हिमालयले पनि जुलाई ३० देखि अगष्ट ७ तारिखसम्म कूल १८ उडान गर्ने जनाएको छ।

चीनको कुनमिङ, दोहा, अबुधाबी, क्वालालम्पुर र दमामामा चार्टर्ड उडान गर्ने जनाएको छ। आगामी दिनमा पनि आवश्यकताका आधारमा क्रमानुसार उडान तालिका सार्वजनिक गर्ने दुवै एयरलाइन्सले जनाएका छन्।