Covid-19
City Express

कोरोना महामारीको दोश्रो लहरको सन्त्रास

असावधानीको कारण लग्जेम्बर्गमा कोरोना फैलिएको निस्कर्ष

एनआरएनए अन्तराष्ट्रिय मिडिया समितिले दिएको जानकारीअनुशार विश्वभर महामारीका रुपमा फैलिएको कोरोना भाइरस (कोभिड १९) को संक्रमणका कारण यो साता थप २८ जना नेपालीको ज्यान गएको छ।

त्यस्तै, गैरआवासीय नेपाली संघअन्तर्गतको स्वास्थ्य समितिका अनुसार संक्रमणका कारण भारतमा मात्रै २५ जना नेपालीको ज्यान गएको छ। भारतमा तीव्र गतिमा फैलिरहेको संक्रमणका कारण नेपाली पनि प्रभावित भएको र मृत्युको दर पनि बढिरहेको बताउँदै अल इन्डिया इष्टिच्युट अफ मेडिकल साइन्स नयाँ दिल्लीमा कार्यरत डा. सागर पौडेलले यो साता मात्र भारतमा विभिन्न मितिमा ज्यान गुमाएका नेपालीको संख्या थप २५ पुगेको पुष्टी बताए ।भारतको महाराष्ट्रमा रहेका नेपालीहरु बढी प्रभावित छन्।

यसैगरी, यही साता साउथ अफ्रिकामा पहिलो पटक एक नेपालीको मृत्यु भएको छ भने साउदी अरबमा २ जनाको संक्रमणकै कारण ज्यान गएको छ। योसँगै संक्रमणका कारण विदेशमा मात्र १ सय ८९ जना नेपालीको मृत्यु भएको छ। आइतबार साँझसम्म नेपालका ५७ सहित विश्वभर २ सय ४६ जना नेपालीको कोरोना भाइरस संक्रमणका कारण मृत्यु भएको बुझिएको छ।

पारिवारिक जमघटमा सहभागी ३५ नेपाली संक्रमित भएको घटनाले युरोपभरि सन्त्रास फैलिएको छ। यूरोपेली मुलुक लग्जेम्वर्गका ३५ नेपालीहरु एकैपटक संक्रमित भएका हुन्। स्वास्थ्य समितिका अनुसार एक पारिवारिक जमघटमा (वैवाहिक वर्षगाँठ) मा सहभागीसहित ३५ जनामा संक्रमण पुष्टि भएको हो। संक्रमितमध्ये एक जनाको अवस्था गम्भीर छ।

अहिलेसम्म विश्वमा ३८ देशमा रहेका नेपालीहरु कोरोना भाइरसबाट संक्रमित भैसकेका छन्। गैरआवासीय नेपाली संघ स्वास्थ्य समितिका संयोजक डा. संजीव सापकोटाका अनुसार जापान, अमेरिका, भारत, रसिया, साउदी अरब, कतारलगायत मध्यपूर्वका केही देशमा रहेका नेपालीहरुमा भने अझै कोरोना भाइरसको संक्रमण रोकिएको छैन।

यसैबीच नेपालमा पनि कोरोना भाइरस संक्रमण तीव्र गतिमा फैलिएको छ। आइतबारसम्म नेपालमा २० हजार ३ सय ३२ जनामा कोरोना संक्रमण देखिएको छ भने हालसम्म कोरोना संक्रमणका कारण नेपालमा निधन हुनेहरुको संख्या ५७ जना रहेको छ।

पुन महामारीको भय, उद्दारका लागि उडानको निरन्तर पहल:

गैरआवासीय नेपाली संघअन्तर्गतको स्वास्थ्य समितिले विश्वभर कोरोना भाइरसको संक्रमण दर वृद्धि हुँदै गएपछि चिन्ता व्यक्त गरेको छ। समितिले स्पेन, बेल्जियम, युके, अमेरिका लगायतका देशमा पुनः कोरोना भाइरसको संक्रमण वृद्धि हुन थालेपछि नेपाली समुदायलाई समेत सचेत रहन आग्रह गरेको छ।

समितिले कोरोना भाइरसको दोस्रो लहर सुरु हुन सक्ने सम्भवना बढ्दै गएको निष्कर्ष निकाल्दै सार्वजनिक यातायात तथा अन्य मानिसहरु भेला हुने स्थलमा मास्कको अनिवार्य प्रयोग गर्न आग्रह गरेको छ।

समितिले उपलब्ध गराएको एक अर्को समाचार अनुसार उद्धार निरन्तर जारी, ३७ हजार ४ सय एनआरएनको सहयोगमा नेपाल फर्की सकेका छन्। ती सबै कोरोना भाइरस संक्रमणका कारण विदेशमा अलपत्र ३७ हजार ४ सय २४ जना नेपाल फकिएका हुन्।

गैरआवासीय नेपाली संघ, नेपाली दूतावास र कुटनीतिक नियोग लगायतसँगको सहकार्यमा विपदमा परेका नेपालीहरुको उद्धार कार्य निरन्तर जारी राखिएको छ भने आपतकालिन सहयोगको लागि नेपाल सरकार र डायस्पोराका सबै संघसंस्थालाई आह्वान समेत गरिएको हो।

त्यहि पहलस्वरुप नेपाल सरकारले विदेशमा रहेका नेपालीहरुको उद्धारको लागि थप ५४ वटा थप उडान गर्न अनुमति दिएको छ । उद्धार उडान आगामी शनिबार (८ अगष्ट) सम्म हुनेछ।

चौथोपटक अनुमति दिइएका मुलुक तथा सहरहरुमा जापान, मलेसिया, चीन, कुनमिङ, अस्ट्रेलिया, जेद्दा, दुबई, रियाद, कुवेत, कतार, दमाम, अबुधाबी र सारजाहा छन। गैरआवासीय नेपाली संघले ती स्थानमा रहेका आफ्ना समन्वय समितिलाई आवश्यक सबै सहयोग गर्न निर्देशन दिइसकिएको बताइन्छ। यो साता भारतसहित २९ वटा मुलुकबाट आपद्कालिक उद्धार उडान भएको थियो।

हाम्रो फेसबुक पेज

प्रतिक्रिया दिनुहोस्

सम्बन्धित शीर्षकहरु