अस्ट्रियाको राजधानी भियानामा आतंककारी हमला भएको छ।सोमबार राती भियानाको विभिन्न क्षेत्रमा अज्ञात बन्दुकधारीले भीषण गोलाबारी गरेका थिए।

सो हमलापछि मानिसहरूबीचमा भागदौड मच्चिएको अन्तर्राष्ट्रिय संचारमाध्यमले जनाएका छन्।हालसम्म उक्त घटनामा परी ४ जनाले ज्यान गुमाएका छन् भने १५ जना घाइते भएको जनाइएको छ।

१५ जना मध्ये ७ जनाको अवस्था गम्भीर रहेको सरकारले जनाएको छ।घटना लगत्तै प्रहरीले अनुसन्धान थालेको छ भने घटनामा संदिग्धहरुको तीब्ररुपमा खोजीकार्य जारी रहेको जनाइएको छ।