बारा , मलेसिया देशबाट करिब ४ महिना पहिला नेपाल फर्किएर मृत्युभएका विजय राम चमारको परिवारलाई पच्चास हजार बराबरको खद्यान्न सहित नगद सहयोग गरिएको छ । चमार कल्याण समाज मलेसिया शाखाका सस्थापक सदस्य समेत रहनुभएका स्वर्गीय विजय चमार स्वदेश फर्केको केही महिनामै मृत्यु भएको र निजको परिवारमा कोही पनि कमाउने समेत नभएको भन्दै सहयोग गरिएको मलेसिया शाखाका महासचिव रामकिसोर मोची चमारले जानकारी दिनुभयो ।

महासचिव चमारका अनुसार स्वर्गीय चमारलाई चमार कल्याण समाजका बैदेशिक शाखाहरु साउदी अरेबियाबाट सात हजार पाच सय र कतार शाखाबाट सात हजार पाच सय गरि १५ हजार एवमं मलेसिया शाखाबाट ३५ हजार गरि ५० हजार रुपैया बराबरको सहयोग गरिएको बताउनु भयो ।

नेपालमा लकडाउनले गर्दा स्वर्गीय विजयको परिवारमा खाना समेतको धौधौ भैरहेको थाहा पाएपछि चमार कल्याण समाज रौतहट जिल्ला कमिटिका अध्यक्ष सोनेलाल चमार , जिल्ला प्रवक्ता पुनित राम चमारले घरैमा गएर सहयोग गरेका हुन ।

समाजका रौतहट जिल्ला अध्यक्ष सोनेलाले स्वर्गीय विजय चमारको बुवा बासुदेव राम ,आमा कबुतरी देवी राम ,श्रीमती फुलमती देवी राम ,छोरीहरु पुजा कुमारी राम , पुनम कुमारी राम ,छोरा अनिल राम लगाएत गाउका केही भलादमीहरुको उपस्थितिमा दाल , चमाल , नुन , तेल , आलु प्याज , बालबालिकाहरुका लागि शैक्षिक सामाग्री लगाएतका समानहरु हस्तान्तरण गर्नुभएको हो ।

चमार कल्याण समाज नेपालले कोभिड १९ ले गर्दा नेपालमा लकडाउनको कारणले धेरै चमार जातिहरुको घरमा खाने कुराहरु सकिएको , विरामीहरुलाई औषधी उपचार , बालबालिकाहरुलाई लत्ता कपडा आदिको अत्याधिक कमी भन्दै सबैसगं सहयोगको लागि अपिल गरेको छ ।

समाजका केन्द्रिय सल्लाहकार सेवल राम चमारले सारा चमार जातिहरु एकिकृत हुदै दुखमा परेका आफनो समुदायहरुलाई सबै मिलेर सहयोग गर्नुपर्ने आग्रह गर्नुभएको छ । साथै सारा नेपाल भर रहेका चमार जातिहरु कसैको पनि भोकै ज्यान नजाओस भनी सबै बैदेशिक शाखाहरु मार्फत सहयोगका लागि अपिल गरिएको समाजका केन्द्रिय कोषाध्यक्ष सुरेन्द्र कुमार महरा चमारले बताउनुभयो । यसरी दुखमा परेको बेला बैदेशिक शाखाहरुले सारा चमार जातिहरुलाई सहयोगको हाथ बढाएकोमा सबैलाई समाजले धन्यबाद ब्यक्त गरेको के.उपाध्यक्ष ओमप्रकास चमारले बताए ।