रामबाबु महरा चमार
नेपालमा संघियता आएपछि सारा नेपालीहरु अब आफनो र समुदायमा केही परिवर्तन हुने छ भनी धेरै आशा राखेका थिए । तर नेपालमा जुन परिवर्तन हुनुपर्ने हो त्यो भएन जसको परिणम नेपालमै सबै भन्दा बढि उत्पीडित , अपहेलित जिवन विताईरहेका दलित समुदाय भित्रका महादलित चमार , डोम मुसहररुको अवस्था झनै खराब भएको छ ।

उनिहरु माथि नेपालमा हरेक दिन जसो जातिय विभेद , छुवाछुत , हत्या हिसां , बलत्कार जस्ता अमानवीय घटनाहरु गैर दलित एवमं सरकारबाट पनि भैरहेको छ । नेपालको मधेशमा बसोबास गर्ने दलितहरु माथि सबै भन्दा बढि हिसां भएको छ । परिवर्तनका नाममा उनिहरुलाई त्यहा रहेका नेता , कार्यकर्ता वा विभिन्न पार्टीहरुले प्रयोग मात्रै गरेका छन । उनिहरुलाई भोट बैकंको रुपमा मात्रै प्रयोग गरेका छन ।

नेपालमा दलित एवमं चमार समुदाय माथी हुने बलात्कारका केही प्रतिनिधि मुलक तत्थ्यहरु चमार कल्याण समाज नेपाल र केही पत्रपत्रिकाहरुमा प्रकासित समाचारहर तथा विभिन्न सघंसस्थाहरुलाई अधार बनाएर तयार पारिएको एक रिर्पोट यस प्रकार छन ।
१ मुलुकी अपराध २०७४ जातीय भेदभाव तथा छुवाछुतलाई सामाजिक फौजदारी अपराधका रुपमा उल्लेख गरेको छ । यद्यपि जातीय विभेदका घटनामा पनि कमी आउन सकेको छैन । कुटपिटदेखि हत्यासम्मका घटना भएका छन् । नेपाल प्रहरी कार्यलयमा २०७४ र २०७५ मा जातीय भेदभाव तथा छुवाछुतसम्बन्धी उजुरी १६ प्रतिशत दर्ता भएकोमा आव २०७५ र २०७६ मा ३९ प्रतिशत र २०७६ र २०७७ मा ४५ प्रतिशत उजुरी दर्ता भएका छन् ।

२ सातवटै प्रदेशमा गरी २०७६ र २०७७ मा ४९ वटा जातीय भेदभाव तथा छुवाछुतका उजुरी तर्दा भएका छन् । सबैभन्दा बढी बागमतीमा २१ वटा, सुदुरपश्चिममा १७ वटा उजुरी दर्ता भएको नेपाल प्रहरीलाई उल्लेख गर्दै आयोगको प्रतिवेदनमा उल्लेख छ ।

३ २०७६ साउनदेखि २०७७ असारसम्मको अवधिमा दलित महिला तथा बालिका गरी ११४ वटा बलात्कारका घटना भएको प्रहरीले उल्लेख गरेको छ । दलित बालबालिका माथि ८१ वटा तथा दलित महिलामाथि ३३ वटा बलात्कारको घटनामा उजुरी दर्ता भई प्रहरीको अनुसन्धानमा रहेको उल्लेख छ ।

४ यस अवधिमा १८ जना दलित बालिका र २३ जना दलित महिला गरी ४१ जनामाथि बलात्कार प्रयास र यौन दुर्व्यवहारको घटना भएको प्रतिवेदनमा उल्लेख छ ।

नोट हाम्रो देश नेपालमा दलित तथा चमार समुदायमा कति सम्मको घटना घटिरहेको छ,हामी सबै स्पष्ट रुपले हेर्नसक्छौ। कहिले सम्म हामी यी घटना तथा समस्यामा कुल्चिराख्ने ? हामी थाकिसक्यौ अब हामी एक जुट र सहभागी हुनैपर्छ र समस्याहरुको कानुनी रुपले,राजनैतिक रुपले,सामाजिक रुपले तथा आर्थिक रुपले निकारण गर्नु नै पर्छ।

घर परिवार देखि लिएर गाउँ गाउँमा एक जुट भइ आवाज उठाउ र यस्ता विकृति विसंगतिबाट बचाउ साथै आफ्नो अधिकारको खोजिनिती गरुम अनि मात्र हाम्रो दलित तथा चमार कल्याण समाज अगाडिका बढने छ ।

हामी चमार जातिहरु कोही अम्बेडकर , कोही बहुजन , वा रविदास मिसन , वा रविदास सेवा समाज आदी संगठन बनाउनु भन्दा पनि सारा मिलेर निस्वार्थ भावनाले चमार कल्याण समाज जो सारा चमार जातिहरुको साझा संगठन छ यसमा सहयोग , समाबेश गरि अगाडी बढनुको विकल्प छैन। नेपालमा जसरी दलित समुदायको नाममा हजारौ संगठन खुलेका छन तर के गरे त अखिरमा ? किन अहिले सम्म सारा दलित समुदायहरु न्याय पाएनन् ?

किन अहिले पनि हामी विभेदमा परेका छौ ? के कारणले अझै पनि नेपाली चमारहरु पछाडि पारिए ? चमार जातिहरुका अगुवाहरुले त्यत्रो ठुलो आन्दोलन गर्दा समेत सकन चमार जातिहरुको उत्थान हुन सकेन ? आन्दोलन , दलित आन्दोलन लगाएतमा चमार जातिहरुले योगदान दिने तर फाईदा राजनितिक दलका ठेकेदारहरु कहिले सम्म लिने ?

अब यस्तो हुन नदिनका लागि चमार कल्याण समाजको जरुरी भएकोले आफनो स्पष्ट धारणाका साथ अगाडी बढेको छ । तपाई जो जहा हुनुहुन्छ सबै आउनुस् मिलेर एउटै परिवार जस्तो भएर चमार समाजलाई अगाडी बढाऊ ।

चमार समाजलाई कृपया विभिन्न ग्रुप वा समुह बनाएर नफुटाउनका लागि सबै अग्रज ज्युहरुमा विन्ती समेत गर्दछौ । यदि अहिलेको अवस्थामा तपाई हामी फुटेर काम गर्यो भने फेरि तपाईहरुको बालबालिकाहरु एक पुस्ता पछाडि धकेलिने निश्चित हुने छ र त्यसको सबै दोष त्यही मान्छे हुने छ जो चमार समाजलाई बाडने वा विभाजन गर्ने छन ।

लेखक:-चमार कल्याण समाज मलेसिया शाखाका सक्रिय सदस्य हुन ।