रुपन्देही जिल्लाको रोहीणी गाउपालिकामा पहिलो पटक वडाध्यक्षमा नेपाल सरकारको ४० बर्ष सेवा गरेका एक जनाले उम्मेद्धवारी दिएका छन । नेपाल राष्ट्को स्वस्थ्य सेवा बिभागमा रहेर हिमाल , पहाड , तराई मधेशमा दिन रात जनताहरुको सेवा गर्नुभएको नेपाली चमार जातिहरुबाट सिनियर कर्मचारी कृष्ण मुरारी चमार हरिजनले वडाध्यक्ष पदमा उम्मेद्धवारी दिनुभएको हो ।

रोहीणी गाउपालिकामा हरेक दुखमा साथ दिएका ६५ बर्षिय कृष्ण मुरारी चमारलाई नेपाल जनता पार्टीले टिकट दिएर चुनावी मैदानमा उतारेको हो । वडाध्यक्ष पदका उमेद्धवार चमारले आज नमुना नेपाल डटकमसगं कुराकानी गर्दै आफु रोहीणी गाउ पालिकाको वडाध्यक्षमा चुनाव लडेपनि सारा जिल्ला , गाउपालिकालाई देशकै नमुनाको रुपमा लिएर जाने बताउनु भयो ।

गाउपालिकाको सम्बन्ध अन्तरराष्टिय स्तरमा लगेर , पर्यटकीय क्षेत्रमा महत्वपुर्ण कदम लिने , स्थानिय स्तरमा बैदेशिक लगानी भित्र्याउन , निशुल्क शिक्षा , स्वास्थ्य , किसानलाई मलखादको ब्यवस्था , सिचाईको लागि युरोपियन प्रविधिबाट जाच गराएर सिचाईको ब्यवस्था गरिने बताउनु भयो ।

उहाले गाउघरमा किसानहरुको सबै भन्दा बढि समस्या सिचाई , मलखाद र स्थानिय तहमा उत्पादन भएका समानको बाजारीकरण रहेकोले अब यस्तो समस्याको अन्त्य गर्न आफु सक्षम रहेको बताउनु भयो । साथै गाउ घरमा जातिय विभेद , गरिब चमार , दलित समुदायहरुलाई स्थानिय उच्च जातकाहरुले हेप्ने प्रबृत्तिको अन्त्य गर्न , कानुनी लडाई लडेर ईन्साफ दिलाउन छु्ट्टै समिति बनाउने लगाएतका प्रतिबद्धता जनाउनुभएको छ ।