दाङमा एक युवतीमाथि धारिलो हतियार प्रयोग गरी आक्रमण गर्ने युवकलाई प्रहरीले पक्राउ गरेको छ। जिल्ला प्रहरी कार्यालय दाङबाट डीएसपीसहित खटिएको प्रहरी टोलीले घटनामा संलग्न युवकलाई नियन्त्रणमा लिएको हो।
घटनाको भिडियो सामाजिक सञ्जालमा सार्वजनिक भएपछि सर्वसाधारणमा चिन्ता र आक्रोश फैलिएको थियो। भिडियो हेरेपछि आक्रमणकारीको पहिचान, घटनास्थल तथा पीडित युवतीको अवस्थाबारे धेरैले चासो व्यक्त गरेका थिए।
आरोपी पक्राउ परेको खबर सार्वजनिक भएसँगै स्थानीयवासी तथा सर्वसाधारणले राहत महसुस गरेका छन्। घटनामा संलग्न युवकलाई कानुनअनुसार कडा कारबाही गर्न माग गरिएको छ।
प्रहरीले घटनाबारे थप अनुसन्धान भइरहेको जनाएको छ।