लिस्बन, २६ अप्रिल । एक बर्ष अघिसम्म सत्तामा रहेर पोर्चुगलमा झण्डै १० बर्ष शासन गरेको र हाल प्रमुख प्रतिपक्षी दल सोसलिस्ट पार्टी( PS) का महासचिव तथा पार्टी प्रमुख
पेद्रो नुनो सान्तोससंग एनआरएनए आइसीसी केन्द्रीय सदस्य राजकुमार थापाले भेटेका छन् ।
शुक्रबार २५ अप्रिल पोर्चुगलको नागरिक स्वतन्त्रता दिवस (Dia da Liberdade) को अवसरमा महासचिव सान्तोससंग लिस्बनको मार्केस पोम्बलमा छोटो भेट भएको आइसीसी सदस्य थापाले बताए ।
उक्त भेटमा पोर्चुगलमा रहेको नेपाली समुदायको बारेमा छोटो कुरा राखेको र नेता सान्तोसको नेपाली आप्रवासीप्रति सकारात्मक धारणा पाएको थापाले जानकारी दिए।
पोर्चुगलमा आगामी मे १८ तारिख आम निर्वाचन हुँदैछ । निर्वाचनमा सोसलिस्ट पार्टी(PS) पुनः विजयी हुने सक्ने आंकलन गरिएको छ। PS ले सरकार गठन गर्ने अवसर पाए पार्टी प्रमुखको हैसियतले पेद्रो नुनो सान्तोस प्रधानमन्त्री हुने सम्भावना छ।