इरानले फेरि इजरायलमा क्षेप्यास्त्र प्रहार गरेको छ। इजरायली रक्षा बल (आईडीएफ) ले इरानले फेरि इजरायलतर्फ क्षेप्यास्त्र प्रहार गरेको पुष्टि गरेको अन्तरराष्टिय सञ्चार माध्यमले जनाएका छन् ।
आईडीएफले सामाजिक सञ्जाल एक्समा दिएको जानकारीअनुसार इरानले उत्तरी र मध्य इजरायलमा क्षेप्यास्त्र आक्रमण सुरु गरेको छ, त्यसपछि यी क्षेत्रमा हवाई साइरन बज्न थालेका छन्।
आईडीएफका अनुसार, क्षेप्यास्त्र आक्रमणपछि लाखौँ इजरायली नागरिक सुरक्षित स्थानमा जानुपरेको छ ।
यसैबीच इरानी राज्य सञ्चालित सञ्चारमाध्यमले मंगलबार बिहान तेहरानमा धेरैवटा विस्फोट भएको पुष्टि गरेको छ।
इरानी सञ्चारमाध्यमले तेहरानमा धेरै विस्फोट भएको र हवाई रक्षा प्रणालीले ठूलो गोलीबारी गरेको उल्लेख गरेको रोयटर्सले जनाएको छ।